Strætóferð

Fyrir þá sem hafa ekki efni á að fara til útlanda geta núna upplifað það á ódýran máta.  Fara í smá strætóferð.  Flestir strætóbílstjórarnir eru útlenskir og margir farþegarnir líka.  Við fjölskyldan fórum í smá strætóferð í dag og vorum þau einu í strætónum sem töluðum íslensku.  Okkur fannst við vera komin til útlanda

 Annars ákvað konan mín að fara með tvö yngstu börnin um daginn í strætóferð og sækja elsta strákinn.  Þetta var svona meira gert til gamans og til að brjóta upp daginn.  Þau fóru sem sagt í strætóinn við Fjörð og ætluðu að fara með honum upp í Ásland sem ætti að vera um 10 mín ferð.  Hún spurði strætóbílstjórann (sem var útlenskur) hvort að strætóinn færi ekki örugglega upp í Ásland og hann jánkaði því.  Þegar strætó var búinn að fara á Álftanesveg og var á leið á Vífilstaði þá ákvað konan mín að spyrja aftur og jú strætóbílstjórinn jánkaði því að hann væri að fara í Ásland.  Þegar þau svo stoppa á skiptistöðinn í Garðabæ þá horfir strætóbílstjórinn mikið á konuna mína og gaf til kynna að þau væru kominn.  Konan var ekki alveg sammála því og sagði að þetta væri Ásgarður en ekki Ásland.  Þá sagði strætóbílstjórinn bara "ég pása 20 mín". 

Konan mín fór því úr strætó eftir þessa líka fínu skoðunarferð, fann réttan strætó og var kominn á áfangastað eftir um 40 mín í stað 10 mín. 

Athugasemdir

[Óskar Helgi Helgason (IP-tala skráð) 19.5.2007 kl. 23:41]

Sæll Geir !

Bara enn eitt dæmið, um þá óværu; sem íslenzkt samfélag er að verða. Ekki nema von, að stór hluti Íslendinga hampi illfyglinu, og varmenninu, frjálshyggju- og einkavæðingarstjóranum Geir H. Haarde og hans stássi öllu.

Mun reyna mjög, á þolrif okkar þjóðernissinna; á komandi árum.

Með beztu kveðjum, úr Árnesþingi /

Óskar Helgi Helgason, frá Gamla Hrauni og Hvítárvöllum