Lágkúra eða óhóf???

Ég hef áður skrifað um þennan ferðamáta hæstvirts forsætisráðherra og ég stend við það að mér finnst þetta gífurlega röng skilaboð til að senda á þessum tíma.

Einnig verð ég að segja að það ætti að reka aðstoðarmann eða PR mann Geirs H. Haarde.  Ef það er raunin að verðmunurinn sé mjög lítill þá verður að sýna það svart á hvítu.  Ég get vel unnt þeim að ferðast á þennan máta ef að verðmunurinn á því er mjög lítill því að tími okkar ráðamanna er mjög dýrmætur.  Ef hins vegar verðmunurinn er mikill þá er þetta algjört bruðl og ábyrgðarleysi af hálfu þessara ágætu ráðherra og mitt atkvæði fer annað næst.

Lágkúra eða óhóf og bruðl

Athugasemdir

[Predikarinn - Cacoethes scribendi , 7.4.2008 kl. 21:08]

Hvernig væri að reikna út dagafjöldann sem lægju undir auk hótelkostnaðar fyrir alla hersinguna miðað við að taka almennt flug og tengiflug á Natófundinn. Allan tímann þarf að greiða starfsfólkinu dagpeninga þar til það kemur á vinnustaðinn sinn aftur á Íslandi. Flugmiðarnir kosta svo sitt. Þessi samlagning hef ég grun um að sé dýrari kostur en að fljúga beina leið á fundarstað og dvelja ekki mínútu lengur þar en fundurinn í raun tekur og nota til þess einkaþotuna.  

[Geir G, 8.4.2008 kl. 10:44]

Já ég er sammála því að það getur vel verið raunin og ef svo er þá er þessi ferðamáti vel skiljanlegur og í raun æskilegur.  Hins vegar hefur maður áhyggjur af því að svo sé ekki þar sem að þeir vilja ekki gefa upp kostnaðinn.